Ош шаарынан Ысык-Көлгө авиакаттам ачылды. Бул тууралуу «Манас» эл аралык аба майданынан кабарлашты.
«Ысык-Көл» эл аралык аэропорту 1-июлда Ош шаарынан биринчи каттамды кабыл алды. Аны менен Оштон 100 жүргүнчү учту, 96 жүргүнчү Ошко барды.
«Тез жет» авиакомпаниясы Ош-Тамчы-Ош багыты боюнча каттамдарды жумасына 6 жолу (дүйшөмбү, шейшемби, шаршемби, бейшемби, жума жана жекшемби күндөрү) учурууну пландаштырууда.
Авиакаттамдар сентябрга чейин жүргүзүлөт.