Өлкө башчы Садыр Жапаров «Кыргыз Республикасынын адабият жана искусство жаатындагы Токтогул атындагы мамлекеттик сыйлыгын ыйгаруу жөнүндө» жарлыкка кол койду. Бул тууралуу президенттин сайтына жарыяланды.
Ага ылайык, сыйлык төмөнкү инсандарга ыйгарылды:
Таалайбек Усубалиев, сүрөтчү — медицина кызматкерлеринин жана ыктыярчылардын COVID-19 пандемиясы менен күрөшү, ошондой эле коронавирустун курмандыктары жөнүндө картиналардын сериясы үчүн;
Анар Сыдыгалиева, актриса — Толгонайдын ролун аткаргандыгы үчүн;
Данияр Жанжигитов, актёр — Майсалбектин ролун аткаргандыгы үчүн;
Алымгазы Конушбаев, сүрөтчү-сценограф — оюндун сценографиясы үчүн.
Токтогул атындагы мамлекеттик сыйлык — чыгармачыл инсандардын мыкты чыгармалары үчүн адабият, маданият жана архитектура тармагы боюнча ыйгарылуучу сыйлык.