Кыргызстандын грек-рим күрөшү боюнча курама командасынын мүчөсү Үзүр Жусупбеков Варшава шаарында (Польша) өтүп жаткан “Ziolkowski, Pytlasinski, Poland Open” аттуу рейтингдик турнирде коло байгеге татыды.
Спортчу 97 килограммга чейинки салмак чен бирдигинде катышып, тилекке каршы биринчи кармашын украиналык балбанга жеңилип калган. Кийинки беттешин алжирлик спортчуну артта калтырды. Ал эми коло медаль үчүн кармашын польшалык Якуб Антожевски аттуу спортчу менен өткөрүп, 3-орунду багындыра алды.
Кыргызстандын грек-рим жана кыз-келиндер күрөшү боюнча курама команда Польшадагы рейтингдик турнирге катышып жатат. 19-июнь күнү башталган мелдештер 24-июнда жыйынтыкталат.