2022-жылдын 10 айында Кыргызстан Түркмөнстан жана Казакстандан 2,6 млрд киловатт/саат электр энергиясын импорттоду. Бул тууралуу Улуттук статистикалык комитеттин товар айландыруу тууралуу отчетунда маалымдалат.
2 млрд киловатт/сааттан ашык негизги көлөм Түркмөнстандан, ал эми 580,1 млн киловатт/сааты Казакстандан импорттолгон.
Өткөн жылдын ушул мезгилине салыштырмалуу Түркмөнстандан импорттоо 6 эсеге, ал эми Казакстандан импорттоо 7%га өскөн.
«Ал эми казак электр энегиясынын 1 киловатты 1,57 сомдон, ал эми түркмөн энергиясынын баасы киловаттына 2,47 сомдон айланды. Быйыл Өзбекстандан электр энергиясы сатып алынган жок. Өткөн жылы январдан октябрга чейин Өзбекстандан 504,3 млн киловатт/саат электр энергиясын сатып алынган», — деп айтылат маалыматта.