22-апрель, шейшембиде, көпчүлүк аймактарда жаан жаайт. Айрым жерлерде нөшөрлөгөн жаан болушу ыктымал. Батыштан соккон шамалдын ылдамдыгы секундасына 4-9 метрге жетет. Мындай маалыматты Кыргызгидромет таратты.
Абанын температурасы Чүйдө +15…+20, Талас аймагында +13…+18, Ош, Жалал-Абад жана Баткен облустарында +16…+21 градус жылуу болсо, Ысык-Көлдө +12…+17, Нарын өрөөнүндө +8…+13 градуска жетет.
Бишкек жана Ош шаарларында мезгил-мезгили менен жаан жаап, күн күркүрөп, күндүн табы борбор калаада +18…+20, Ош шаарында +17…+19 градуска чейин көтөрүлөрү айтылды.