Шайлоо жана референдум өткөрүү боюнча борбордук комиссиясы алдыдагы №2 Баткен, №9 Кара-Суу жана №7 Ош бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда шайлоого 16 жалпыга маалымдоо каражаттарын жана 3 интернет-басылманы аккредитациядан өткөрдү. Бул тууралуу БШКдан билдиришти.
Документтерди кабыл алуу мезгилинде бардыгы болуп 16 ЖМК жана 3 интернет-басылма аккредитацияга арыз берген:
басма басылмалары – 4
онлайн басылмалар – 3
радио – 5
телекѳрсѳтүү – 7
Эске сала кетсек, мыйзамга ылайык шайлоону маалыматтык камсыз кылуу жарандарды маалымдоону, шайлоо алдындагы үгүт иштерин ѳзүнѳ камтыйт жана жарандардын ѳз эркин аң-сезимдүү жана эркин түрдѳ билдирүүсүнө жана шайлоонун ачык-айкындуулугуна көмөк көрсөтүүгө багытталган.
Телекөрсөтүү же басма аянты үчүн төлөмдүн өлчөмү бардык партиялар жана талапкерлер үчүн бирдей болууга жана шайлоо күнүнө чейин 6 ай калганда алынган баадан ашпоого тийиш.
Президенттин жарлыгы менен 28-апрелде үч бир мандаттуу шайлоо округу боюнча шайлоо дайындалган.