Кыргызстандын 26 миңден ашуун жараны Улуу Британияда сезондук жумушка баруу үчүн арыз берген.
Эмгек, социалдык камсыздоо жана миграция министрлигине караштуу жарандарды чет өлкөлөрдө ишке орноштуруу борбору Улуу Британиянын айыл чарбасында сезондук ишке орноштуруунун программасына катышууну каалаган кыргызстандыктарды «Hops Labor Ltd» оператору аркылуу онлайн-каттоодон өткөрдү.
Жети сааттык каттоодо 26 170 адам өз арыздарын беришкен, алардын ичинен 14 735 адам оператор тарабынан биринчи тандоо этабынан ийгиликтүү өткөн.