Жумгал районунун Кең-Суу айылына электр энергиясы киргизилип жатат. Бул тууралуу президенттин Нарын облусундагы ыйгарым укуктуу өкүлчүлүгүнөн маалымдашты.
Президент Садыр Жапаровдун тапшырмасынын негизинде президенттин кеңешчиси Болот Ибрагимовдун жардамы менен 1 миллион 400 миң сомго 90 даана электр мамысы (столба) сатып алынып, жерине жеткирилип берилген. Учурда орнотуу иштери жүрүп жатат. Мындан сырткары Нарын облусунун “Теңир Тоо” өнүктүрүү фондунан 6 миллион сом бөлүнүп, кошумча жабдууларды алуу каралууда. Бул каражатка чакан айыл электр энергиясы менен толук камсыз болоору кутүлүүдө.
Буга чейин Кең-Суу айылында электр жарыгы болгон эмес.
