АКИpress — Бишкектин Керамика көчөсүндөгү заводдон чыккан өрткө байланыштуу милиция тергөөгө чейинки текшерүү иштерин жүргүзүп жатат. Иш Свердлов РИИБдин кароосунда, деп билдирди басма сөз кызматы.
Өрт тууралуу маалымат 2-октябрда түштө милицияга кабарланган. Айтылган дарекке Свердлов РИИБдин жетекчилиги менен ыкчам топ барды. Заводдун аймагы курчоого алынып, жакын жайгашкан турак жайлардын жашоочулары эвакуацияланган.