Жалал-Абадда мейманкананын алдында болгон мушташ боюнча 4 жигит кармалды

Жалал-Абад милициясы мейманкананын алдындагы ызы-чууга байланыштуу 4 шектүүнү кармады. Бул тууралуу Жалал-Абад ОИИБден билдиришти.

Жалал-Абад ШИИБдин «102» кызматына 10-ноябрга караган түнү саат 03:40 чамасында Жалал-Абад шаарындагы мейманканалардын биринин алдында бир топ балдар мушташып жаткандыгы боюнча маалымат түшкөн.

Жалал-Абад ШИИБдин тергөө-ыкчам тобу окуя болгон жерге кароо жүргүзүп , далил буюмдар алынып, тергөө-ыкчам иштери жүргүзүлө баштаган.

Бул окуя боюнча топтолгон материалдар Жалал-Абад ШИИБге катталып, Кылмыш-жаза кодексинин 280-беренеси (бейбаштык) менен катталып, кылмыш иши козголуп, тиешелүү экспертизалар дайындалган.

Кылмышка шектүү катары Жалал-Абад шаарынын тургундары 2002-жылы туулган И.С., Т.Э., 2003-жылы туулган З.Р. жана 2004-жылы туулган К.Б. кармалып, убактылуу кармоочу жайга киргизилген.

Дайындалган соттук-медициналык экспертизанын корутундусу менен айыбын угузуу беренеси өзгөрөт. Учурда тергөө амалдары жүрүп жатат.

Related posts

Криминалдык авторитет Адилет Касенов да эркиндикте. Буга ден соолугу себеп болгон

admin

«Бала-чакасы бир жылкы сойгонго жарабайт». Акылбек Жапаров мындан ары 100, 150 жана 200 жылдык гана белгиленерин айтты

admin

Президент «Чакан жана орто ишкердик субъекттерин колдоо жөнүндө” жарлыкка кол койду

admin

Комментарий