Бишкекте милиция тарабынан денеге залал келтирүүгө шектүү кармалды. Бул тууралуу Биринчи Май РИИБден билдиришти.
Маалыматка караганда, 21-ноябрда саат 01:40 чамасында «102» кызматына Бишкектеги Дэн Сяопин көчөсүндө адам бычакталганы тууралуу маалымат түшкөн.
Жерине барган милицияга №1 шаардык ооруканага 2000-жылы туулган жигит жеткирилгени маалым болгон. Бычак анын курсак тушуна сайылган. Аталган факты боюнча кылмыш иши козголгон. Кылмышка шектүү катары 2000-жылы туулган жаран кармалып, камакка алынган.