Конституциялык соттун төрагасы жана башка чиновниктер кызмат абалын кыянаттык менен пайдаланышканы аныкталды, деп билдирди УКМК.
«Конституциялык соттун төрагасы жана башка кызматтагы адамдар Кыргыз Республикасынын мыйзамдарын одоно бузушкан.
Тактап айтканда, Конституциялык соттун төрагасы жана башка жетекчилик кызматтарды ээлеген адамдар кызматтык ыйгарым укуктарын мамлекеттин кызыкчылыгына каршы пайдаланып, Конституциялык соттун судьяларына келген чет өлкөгө иш сапарга чакыруу каттарын жашырган. Аларды өздөрүнүн жеке кызыкчылыгына, ошондой эле чет өлкөлөргө жакын туугандарын жөнөтүүгө пайдаланышкан.
Бул боюнча УКМК тарабынан КР Кылмыш-жаза кодексинин 337-беренесинин (кызмат абалын кыянаттык менен пайдалануу) 2-бөлүгү менен кылмыш иши козголду», — дейт УКМК.
Конституциялык соттун төрагасы кызматын Эмил Өскөнбаев ээлейт.
