17-декабрь күнү болжол менен саат 10:30 чамаларында Каракол — Түп жолунда, тактап айтканда, Михайловка айылына бурулган жерде жол кырсыгы катталып, анын кесепетинен 2 адам каза болду. Бул тууралуу Ысык-Көл ОИИБден билдиришти.
Маалыматка караганда, 9 жаран ар кандай жаракаттарды алып, облустук жана Түп райондук ооруканага жаткырылган.
Алдын ала маалыматтар боюнча, Мазда-Хедос унаасынын 27 жаштагы айдоочусу Каракол шаарын көздөй бара жатып, жолдун тайгалагына байланыштуу каршы тилкеге чыгып кетип, Каракол-Балыкчы каттамында жүргүнчүлөрдү ташыган Мерседес-Спринтер үлгүсүндөгү унаа менен сүзүшкөн. Кырсыктын кесепетинен эки айдоочу тең окуя болгон жерде каза болушкан