Кыргызгидромет кызматынын маалыматына ылайык, жакынкы үч саат аралыгында Бишкек шаарында жана Чүй өрөөнүндө ылдамдыгы секундасына 15-20 метрге жеткен катуу шамал катталышы күтүлөт. Бул тууралуу ӨКМден билдиришти.
Урматтуу жарандар! Төмөндөгү эрежелерге көңүл буруңуз:
- катуу шамал учурунда эшикте сейилдөөнү токтотуп туруңуз;
- унааңызды имараттын жана бак-дарактын түбүнө токтотпоңуз;
- электр чубалгыларынын жанына турбаңыз;
- көчөдөн көз айнек тагыныңыз;
- үйдүн эшик-терезелерин жабыңыз.