Белгилүү акын Оторбаев Түгөлбек (Качкын Оторбаев, Түгөлбек Турпан уулу) бүгүн 82 жаш курагында дүйнө салды.
Ал Жумгал районунун Багышан айылында 2942-жылы 15-июлда туулган. 1959-жылы Чаек орто мектебин, 1964-жылы Фрунзедеги политехникалык институтунун механикалык факультетин ийгиликтүү аяктап, автомобиль транспорту боюнча инженер-механик деген кесипке ээ болуп, Фрунзедеги 1-жүргүнчүлөр автопаркында механик болуп 1965-жылга чейин иштеген.
1965–1966-жж. жүргүнчүлөр автотрестинде бөлүм башчы, 1966–1969-жылдары Панфилов районундагы автобазанын башчысы, 1969–1977-жылдары Жумгал районунун автоба-занын жетекчиси, 1978–1991-жылдары Кант районундагы жүк ташуучу автобазанын директорунун орун басары, 1991–1992-жылдары Кант районунун жүргүнчүлөр автобазасынын директору, 1992-жылдан Мамлекеттик техникалык инспекциясынын Бишкек шаардык бөлүмүнүн башчысы болуп иштеген.
2010-жылы Бишкек шаарынын “Ардактуу атуулу” наамын алган.
1955-жылы Жумгал районунун «Социалисттик мал чарба» деген гезитине «Почтальон Токтосун» деген биринчи ыры жарык көргөн. Кийин райондук, республикалык гезит-журналдарга макалалары, ырлары жарык көрүп, 1962-жылдан «Чалкан» журналына сатиралык ырлары басылып турган.
2003-жылдан бери Кыргыз Республикасынын Жазуучулар союзунун мүчөсү.
Ал бир нече китептердин автору:
- Жумгал дастан: Ырлар, санжыра, айтыш, поэма, очерк, новелла, эссе. Жумгал дастан: Ырлар, санжыра, айтыш, поэма, очерк, новелла, эссе.
- Жумгал дастаны: Ырлар, санжыра, айтыш, поэма, очерк, новелла, эссе.
- Мидин минткен экен (1-китеп): Ырлар, экспромт сөздөр, сатира.
- Мидин эл арасында: Ырлар, экспромт сөздөр .
Акын Түгөлбек Оторбаевди акыркы сапарга узатуу зыйнаты 2024-жылдын 8-январында Нарын облусундагы Жумгал районунун Куйручук айылында өтөт.
Акындын замандаштары, жакындары, достору, санаалаштары үй-бүлөсүнө терең кайгыруу менен көңүл айтат.
Редакция жамааты да акындын үй-бүлөөсүнө терең кайгыруу менен көңүл айтып, кайгысын тең бөлүшөт.