Баткенде пара алып жаткан жол тескөөчүлөр кармалды (видео)

Баткен облусунун жол кыймылынын коопсуздугун камсыздоо бөлүмүнүн кызматкерлери пара алып жаткан жеринен кармалды. Бул тууралуу УКМКдан билдиришти.

УКМК тарабынан тиешелүү иштерди уюштуруунун жүрүшүндө Баткен ОИИБдин Жол кыймылынын коопсуздугун камсыздоо бөлүмүнүн жооптуу кызматкерлери кызмат абалынан системалуу түрдө пайдаланып, транспорт каражаттарынын айдоочуларынан, анын ичинде жол кыймылынын эрежесин бузгандардан административдик протоколдорду түзбөгөндүгү жана административдик айып пул салуу үчүн опузалап акча өндүрүүгө туруктуу коррупциялык схема уюштуруп алгандары аныкталды.

Топтолгон текшерүү материалдарынын негизинде Баткен ОИИБнин Жол кайгуул кызматынын кызматкерлерине Кылмыш-жаза кодексинин 337-беренесинин 2-бөлүмү «кызматтык абалынан кыянаттык менен пайдалануу» боюнча кылмыш иши козголду, анын алкагында сот органдарынын санкциясынын негизинде атайын тергөө иш-чараларынын комплекси жүргүзүлүп, анын натыйжасында 9 кызматкеринен пара алуу фактылары аныкталган.

24-январда Баткен-Раззаков унаа жолунун айыл аймагындагы тилкесинде, Баткен районунун Көк-Таш айылында кезектеги мыйзамсыз акча алуу учурунда Баткен ОИИБнин жол кайгуул кызматынын кызматкерлери милициянын старшинасы Т.А.К жана Ю.Б. кармалды.

Related posts

Сейсмология институтунун директору: «Диванда жаткан эксперттерди эмес, адистерди угуш керек»

admin

Сокулукта 23 жаштагы Нурайым 3 күндөн бери дайынсыз болуп жатат

admin

Кыргызстандын эркин күрөш боюнча курама командасы Олимпиадага жолдомо ута алган жок

admin

Комментарий