Каракол шаарындагы «Бугу» жана «Макиш» соода базарынын ээси кармалды. Бул тууралуу УКМКдан билдиришти.
УКМК тарабынан жарандардан түшкөн арыздарды кароонун алкагында, өзгөчө ири өлчөмдө алдамчылык фактысы боюнча «Бугу» жана «Макиш» соода базарынын ээси кармалды.
Аталган жаран узак мезгил аралыгында көрсөтүлгөн рыноктордо иш жүргүзгөн ишкерлерден акча каражаттарын чогултуп, ошону менен бирге алынган пайданын жалпы реалдуу жүгүртүлүшүн фискалдык органдардан жашырып келгендиги аныкталган. Мындан тышкары, соода жайларын бир эле адамдарга бир нече жолу сатуу фактылары башка ишкерлерге өткөрүп берүү коркунучу менен аныкталган.
Чогултулган материалдардын негизинде, кылмыш ишинин алкагында ага таандык турак-жай жана коммерциялык объектилерди кармоо жана тинтүү иш-чаралары жүргүзүлгөн.
