Бишкек шаарында Октябрь районунун «Таберик» залында Эне тилдин эл аралык күнүнө арналган иш-чара болуп өттү. Бул тууралуу мэриядан билдиришти.
Ага мэрдин биринчи орун басары Мирланбек Байгончоков, мэрдин орун басары Виктория Мозгачева, Бишкек шаардык кеңештин төрагасынын орун басары, Октябрь районунун акими, мамлекеттик тилди өнүктүрүү бөлүмүнүн башчысы катышты.
Көрүүчүлөргө «Ар бир элдин тили – бүткүл адамзаттын мүлкү» деген темада видеоролик көрсөтүлдү. Мындан тышкары, коноктор үчүн ар түрдүү этностордун номерлерин аткаруу менен концерт уюштурулду. Ошондой эле «Кыргыз руху», «Таберик» жана «Сувенир» сыяктуу ансамблдер талантын тартуулашты.
