Сот Жогорку Кеңештин мурдагы депутаты Дамира Ниязалиеваны шайлоо учурунда добуштарды сатып алуу боюнча күнөөлүү деп тапты. Бул ишке катыштыгы бар дагы 5 адам да добуштарды сатып алуу боюнча күнөөлүү деп табылган. Бул тууралуу Ленин райондук сотунан билдиришти.
Ленин райондук соту аны 3 жылга эркинен ажыратуу чечимин чыгарган. Бирок мунапыс мыйзамына ылайык, алардын баары жаза өтөөдөн бошотулган.
Ниязалиева 2023-жылдын 28-майында өткөн Ленин району боюнча Жогорку Кеңештин депутатын шайлоого катышкан. Ал шайлоонун жыйынтыгы боюнча алдыга чыккан. Бирок добуштарды сатып алуу фактысы боюнча кылмыш иши козголуп, БШК каттоосун жокко чыгарган.