Издөөдө жүргөн Райымбек Матраимов Азербайжандын борбору Баку шаарында экени аныкталды.
УКМКнын маалыматына ылайык, УКМК тарабынан аны кармоо боюнча Азербайжан тарапка кат жөнөтүлгөн. Учурда Азербайжандын УКМКсы аны кармоо жана андан ары Кыргызстанга экстрадициялоо маселесин карап жатышат.
«Райымбек Матраимов Кыргызстандын жетекчилигине кол салуу аракетин даярдап жаткан азербайжандык трансулуттук уюшкан кылмыштуу топтун Кыргызстанда кармалган мүчөлөрү менен байланышы бар экендиги аныкталган. УКМК кызматкерлери Кыргызстандын аймагынан Азербайжандан келген уюшкан кылмыштуу топтун мүчөлөрүн кармашкан»,- деп айтылат маалыматта.