КМШнын атайын кызматтарынын жетекчилери Чыңгыз Айтматовдун үй-музейине барышты

24-майда КМШнын атайын кызматтарынын жетекчилери Бишкекте болгон КМШнын коопсуздук органдарынын жана атайын кызматтарынын жетекчилеринин кеңешинин 54-отурумунун алкагында Чыңгыз Айтматовдун үй-музейине барышты. Аталган музейде жазуучунун өмүрүнө жана чыгармачылыгына арналган көргөзмө ачылган.

КМШнын атайын кызматтарынын жетекчилерине жазуучунун уулу Эльдар Айтматов экскурсия жасап, залкар жазуучунун чыгармалары жазылган китептерди белекке тапшырды. Чыңгыз Айтматовдун музейинин бай экспозициясы конокторду өзүнүн мазмуну жана көп түрдүүлүгү менен кызыктырды, анткени музейде жазуучунун адабий мурасынын сейрек кездешүүчү үлгүлөрү коюлган.

Чыңгыз Айтматов — жазуучу, философ, гуманист жана коомдук ишмер. Музейдеги көргөзмөлөр улуу жазуучу, терең ойчул, дүйнөлүк масштабдагы коомдук ишмердин көп кырдуу ишмердүүлүгүн даңазалап турат.

Related posts

Төрага Нурланбек Шакиев ЖККУ ПАнын жыйынына катышты

admin

«Муктаж болсом, өзүм деле кайрылат болчумун». Белгилүү акын Замирбек Үсөнбаев соцтармактагы кептерге жооп берди

admin

УКМК төрагасынын кубогу үчүн командалык спорттун түрлөрү боюнча жыл сайын өтүүчү республикалык спартакиада башталды

admin

Комментарий