Ысык-Атада ден соолукка атайылап залал келтирген шектүү кармалды. Бул тууралуу Чүй ОИИБден билдиришти.
Маалыматка караганда, 31-июлда саат 14:00 чамасында №341 кичи автобуста 1968-жылы туулган жүргүнчү менен 1995-жылы туулган каттамдын айдоочусу уруша кетишкен. Айдоочу жаранды сабап салган. Жабырлануучу алган жаракаты менен ооруканага жеткирилген. Аталган факты боюнча кылмыш иши козголду. Шектүү кармалып, камакка алынды.