Санариптик өнүктүрүү министрлиги «Түндүк» тиркемеси аркылуу бир катар документтерди экинчи ирет онлайн алууга мүмкүнчүлүк берген кызматтарды ишке киргизди.
Эми жарандар төмөнкү документтерди онлайн ала алышат:
- Никени каттоо жана бузуу тууралуу күбөлүк;
- Аты-жөнүн өзгөртүү тууралуу күбөлүк;
- Өлгөндүгү тууралуу маалымкат.
Документ алуу үчүн кадамдар:
- Кызматты тандаңыз — тиешелүү документтин түрүн тандап алыңыз.
- Күбөлүктүн түрүн көрсөтүңүз — керектүү документти белгилеңиз.
- Маалыматтарды киргизиңиз — талап кылынган маалыматтарды толтуруңуз.
- Жеткирүү кызматын тандаңыз — зарыл болсо, документти жеткирүү мүмкүнчүлүгүн тандаңыз.
- Сүрөт идентификациясынан өтүңүз — системанын коопсуздук текшерүүсүнөн өтүңүз.
- Электрондук кол тамга колдонуңуз — булуттук электрондук кол тамга менен арызга кол коюңуз.
- Төлөмдү жүргүзүңүз — жооп алгандан кийин акыны MegaPay аркылуу төлөңүз.
Жеткирүү баасы:
- Күбөлүктү жеткирүү кызматы үчүн 142 сом төлөнөт.
Бул жаңылоо жарандардын убакытты үнөмдөп, кагаз түрүндөгү документтерди алуу үчүн мамлекеттик мекемелерге баруу зарылдыгын жоюуга багытталган.