АКШ президенти Дональд Трамптын Украинага колдоо көрсөтүү чечими гуманитардык эле эмес, экономикалык жардамды да камтый турганын РИА Новости New York Times гезитине таянуу менен жазды.
«Жардамды токтотуу боюнча буйрук аскердик колдоо жаатындагы программалардын баарына тиешелүү, анын ичинде Украина, Тайвань жана Иордания бар. Каражаттын басымдуу бөлүгү Мамлекеттик департамент тарабынан бөлүнөт. Чектөө Израиль менен Египетти, ошондой эле азык-түлүк боюнча ыкчам жардамды камтыган эмес», — деп айтылат маалыматта.
Эскерте кетсек, Дональд Трамп кызматына киришери менен бир нече жарлыкка кол койгон. Анын арасында чет мамлекеттерге колдоо көрсөтүү иштерин токтотуу буйругу да бар. Администрациядан чектөө аталган программалардын АКШнын кызыкчылыгына жооп берер-бербесин талдоо үчүн киргизилгени айтылган.