Ош шаарында бир үй-бүлө иске ууланды. Беш жашар бала каза болду. Бул тууралуу шаардык ички иштер башкармалыгынын басма сөз кызматы билдирди.
Маалыматка ылайык, 1-февралда тез жардам кызматына Амир-Темир көчөсүнүн 33 жаштагы тургуну беш баласы менен Ош облустук балдар ооруканасына жаткырылганы тууралуу маалымат түшкөн. Бирок 2020-жылы төрөлгөн бир бала каза болду.
Эне жана башка балдар медициналык мекемеде дарылануусун улантышууда. Окуя боюнча иликтөө иштери жүрүп жатат. Алдын ала маалымат боюнча, үй-бүлө көмүр кычкыл газына ууланган.