КР Улуттук коопсуздук мамлекеттик комитети тарабынан козголгон кылмыш ишинин алкагында «Д.В.С.» аттуу Вьетнам жараны кармалды. Ал материалдык пайда табуу максатында өзүнүн мекендештерин турист катары көрсөтүп, кийинчирээк аларды тигүү тармагына мыйзамсыз ишке киргизүү үчүн Кыргыз Республикасына алып келип, мыйзамсыз миграция каналын уюштурган.
Мындан тышкары, кармалган чет элдик жаран өлкө аймагында Түштүк-Чыгыш Азиядан келген мыйзамсыз мигранттарды калкалоо максатында этникалык кылмыштуу топ түзүүнү да ниет кылган.
Учурда кармалган жаран Бишкек шаарынын ШИИБнин убактылуу кармоо жайына камакка алынып, бул кылмышка тиешеси бар башка адамдарды аныктоо боюнча тергөө иштери улантылууда.
КР УКМК бардык чет элдик жарандарды улуттук мыйзамдардын талаптарын так сактоого чакырат.