Бул тууралуу УКМКнын маалымат кызматынан билдиришти.
Текшерүүнүн жыйынтыгында, КР УКМК Тамчы айылында жайгашкан Кыргыз Республикасынын Айыл чарба министрлигинин мурдагы машина короосунун аймагын жеке менчикке мыйзамсыз өткөрүп берүү фактысын аныктады.
Тактап айтканда, 2000-жылдан 2004-жылга чейинки мезгилде жогоруда аталган кыймылсыз мүлк Кыргыз Республикасынын Айыл чарба министрлигинин алдындагы Республикалык жер жана агрардык реформа борбору тарабынан тиешелүү тендер өткөрбөстөн үчүнчү жактарга сатылган, бул «Кыргыз Республикасынын мамлекеттик чарбаларын жана башка мамлекеттик (муниципалдык), айыл чарба ишканаларын мамлекеттен ажыратуунун жана менчиктештирүүнүн өзгөчөлүктөрү жөнүндө» Жобонун талаптарына карама-каршы келет.
Аудиттин жыйынтыгында, имараттары менен кошо жалпы аянты 1,5 гектар болгон жер тилкеси мамлекеттик баланска кайтарылды.