Бул тууралуу УКМКнын маалымат кызматынан билдиришти.
Маалыматта айтылгандай, Кыргыз Республикасынын Президентинин тапшырмасы боюнча Аскер прокуратурасы Кыргыз Республикасынын Ички иштер министрлигинин Башкы тергөө башкармалыгы менен биргеликте кызмат ордунда турганда кызмат абалынан кыянаттык менен пайдаланууга шектелген Кыргыз Республикасынын Улуттук коопсуздук мамлекеттик комитетинин мурдагы айрым кызматкерлерине карата бир катар тергөө жана оперативдик иш-чараларды жүргүздү.
Бул чаралар Кыргыз Республикасынын мыйзамдарына жана бардык процессуалдык нормаларга так ылайык жүргүзүлдү. Бул аракеттер тууралуу Кыргыз Республикасынын Улуттук коопсуздук мамлекеттик комитетинин жетекчилигине өз убагында маалымат берилди.
Тергөөнүн жыйынтыгы боюнча кадрдык жактан маанилүү чечимдер кабыл алынды. Мыйзам бузуулар боюнча күнөөлүү деп табылгандар ээлеген кызматтарынан бошотулуп, улуттук коопсуздук органдарынан алынды. Тиешелүү органдар белгиленген жол-жоболорго ылайык, бул адамдардын аракеттерине акыркы юридикалык баа беришет.
Мамлекеттик органдар мыйзамдуулукту, тартипти чыңдоо жана өз кызматындагы ар кандай коррупциялык же мыйзамсыз иш-аракеттердин алдын алуу саясатын ырааттуу жүргүзүп келишет. Кызмат ордуна карабастан, ар бир кызматкер мыйзам алдында жеке жоопкерчилик тартат.
Ачык-айкындуулукту камсыз кылуу жана мамлекеттик органдарга болгон коомчулуктун ишенимин жогорулатуу боюнча иштер улантылат.
Белгилей кетсек, айрым маалыматтардын агып чыгышы атайылап коопсуздук органдарынын ортосундагы ведомстволор аралык тирешүү катары көрсөтүлөт. Мындай дооматтар чындыкка дал келбейт жана мамлекеттик мекемелерге болгон ишенимди кетирүүгө багытталган.
Өлкөдөгү бардык укук коргоо органдары мыйзамдын чегинде жана тыгыз кызматташууда иш алып барышат, улуттук коопсуздукту, мыйзамдуулукту жана тартипти, ошондой эле мамлекеттеги туруктуулукту камсыз кылуу боюнча жалпы максаттарды жетекчиликке алышат.
Мекемелер ортосундагы чыр-чатактын образын жасалма түрдө түзүү аракеттери кыйратуучу мүнөзгө ээ жана коомдук-саясий кырдаалды туруксуздаштырууга багытталган. Кызыкдар тараптар мамлекет башчысынын коомдук чөйрөнү демилитаризациялоо жана мамлекеттик органдардын институционалдык ачыктыгын жогорулатуу боюнча тандаган курсун бузушу мүмкүн.
Биз жарандарды, ЖМК өкүлдөрүн жана коомдук ишмерлерди маалымат булактарына гана таянууга чакырабыз.
Кыргыз Республикасынын Улуттук коопсуздук мамлекеттик комитети мамлекеттин жана коомдун кызыкчылыктарын коргоо, өлкөдө мыйзамдуулукту жана коопсуздукту камсыз кылуу боюнча ырааттуу ишин уланта берет.
Албетте, мамлекеттик органдардын системасында (УКМК, ИИМ, КР Башкы прокуратурасы, Аскер прокуратурасы, сот системасы, Мамлекеттик салык кызматы, Мамлекеттик чек ара кызматы ж.б.) кол тийбестикке ээ адамдар болушу мүмкүн эмес. Кызмат ордуна, кызмат өтөө мөөнөтүнө же мурунку жетишкендиктерине карабастан, ар бир мамлекеттик кызматкер өзүнүн аракеттери үчүн жеке жоопкерчилик тартат.
Мамлекет катардагы ак ниетсиз кызматкерлерди тазалоо, тартипти чыңдоо жана мыйзамдын үстөмдүгүн камсыз кылуу багытындагы саясатты ырааттуу жүргүзөт.
Бул багыттагы иштер мындан ары да улантылат.