Москвадагы «Домодедово» аэропортунун жүктөгүчтөрү кыргызстандык аялдын жүгүнөн 600 миң рубль уурдаган деп шектелүүдө. Бул тууралуу Life басылмасы жазды.
Маалыматка караганда, Москва-Ош каттамында эки кызматкер багажды жүктөгөн. Жумуш учурунда алар бир нече баштыктарды ачып, биринен 600 миң рубль табышкан.
Жүргүнчү акчанын жоголгонун Кыргызстанга келгенде байкаган. Ал дароо укук коргоо органдарына кайрылган. Ыкчам издөө иштеринин натыйжасында кылмышка шектүүлөр кармалып, алар Москва районунда жашаган 38 жана 40 жаштагы жарандар экени аныкталган. Милиция кармалгандардан уурдалган акчанын бир бөлүгүн табышкан.