27-февралдан 5-мартка чейин Босния жана Герцеговинада өтүп жаткан үчүнчү дивизиондун командалары арасындагы Дүйнө чемпиондугунда хоккей боюнча Кыргызстандын курама командасы Сингапур курамасын жеңип алды.
Алгачкы беттеште орусиялык машыктыруучу Михаил Чеканов жетектеген кыргыз курамасы атаандашын 14:2 эсебинде жеңип алды. Белгилей кетсек, В тайпасындагы турнир алты команданын – Босния жана Герцеговина, Гонконг, Иран, Малайзия, Сингапур жана Кыргызстандын катышуусунда өтөт. Алар бири-бири менен ойношот.
Топтун жеңүүчүсү үчүнчү дивизиондун А тайпасына өтүүгө укук алат.