Эки жатыны бар америкалык аял эки күндүн ичинде эки жолу төрөдү. Төрөт 20 саатка созулду. Бул тууралуу дүйнөлүк басылмалар жазышты.
Алабама университетинин Бирмингем ооруканасында 32 жаштагы Келси Хэтчер 19-декабрда бир кызды, 20-декабрда экинчи кызды төрөдү. Кыздар эгиз деп эсептелет, бирок алардын туулган күндөрү дал келбейт, мындай көрүнүш сейрек учурайт.
Келси Хэтчерге 17 жашында анын кош жатыны бар деп айтышкан. Ал үч баланы дени сак төрөп, 2022-жылы жазында төртүнчү жолу боюнда бар экенин билген. Дарыгерлер курсакта жаткан эки баланын энеси болоорун билдиришкенде, аял таң калган. Биринчи бала табигый жол менен төрөлсө, экинчиси кесарево жолу менен төрөлгөн.