Кечээ, 31-октябрда Октябрь райондук сотунда Бишкекте үч адамды өлтүрүү фактысы боюнча соттук отурум өттү. Жактоочу 4 миллион 671 миң сом өндүрүп берүүнү соттон суранган. Ал материалдык чыгым 671 миң сом, моралдык зыян 4 миллион сом деп эсептеген. Маркум Алтынай Канзаманованын 82 жаштагы апасы Үрү Дюшебаева бул акчаны кайрымдуулукка берерин айтты.
«Мен ал акчаны сүйлөшүп туруп, кайрымдуулукка берем. Сообу тийсин. Бей-бечаралар көп, ошолорго беребиз. 9 ай болду. Сот өмүр бою эркинен ажыратсын», — деди эне.