«Город 312» тобунун ырчысы Аянын (чыныгы аты-жөнү Светлана Назаренко) ордуна Диана Макарова аттуу ырчы келди. Светлана Назаренконун коронавирустан улам ден соолугу начарлап, долбоордон кеткен.
Ал коронавируска үч жолу чалдыгып, анын ар бири оор өткөн. Жыйынтыгында ырчынын өпкөсү олуттуу жабыр тарткан. Адегенде ал чыгармачыл тыныгуу алып, бир жылдан кийин абалы өзгөрбөгөн соң, топко жаңы ырчынын чакыруу чечими кабыл алынган.
Кечээ, 16-июнда «Город 312» тобунун Инстаграмдагы баракчасында «Ая, айыгып кет» деген билдирүү менен коштолгон видео жарыяланды.