Мурас-Ордо конушунда изделип жаткан 5 жаштагы баланын сөөгү саат 15:57де ӨКМдин Бишкек шаардык Куткаруу кызматынын куткаруучулары тарабынан конуштагы арыктан табылып, баланын жакындарына жана ИИМ кызматкерлерине өткөрүп берилди.
Кечээ, 14-январь күнү Бишкектин Мурас-Ордо конушунда 2018-жылы туулган А.А. аттуу бала дайынсыз жоголгон. Аны издөөгө бүгүн жалпы 17 куткаруучу тартылган. Мындан сырткары ИИМдин кызматкерлери жана жергиликтүү тургундар да тартылган.
Маалыматка ылайык, 5 жаштагы Алихан аутизм оорусу менен жабыркап келген.
