Бишкекте алдамчылыкка шектелгендер кармалды. Бул тууралуу Октябрь РИИБден билдиришти.
Маалыматка караганда, 3-август күнү милицияга жаран 2 чала таанышына чара көрүү арызы менен кайрылган. 2022-жылдын май айында Бишкек шаарынын Көк-Жар конушунда ишенимине кирип, алдамчылык жолу менен «мамлекеттик кызматка ишке орноштуруп берем» деген шылтоо менен 5 миң доллар акча каражатын алган. Андан кийин белгисиз тарапка качып кетишкен.
Аталган факты боюнча Кылмыш-жаза кодексинин 209-беренесине (алдамчылык) ылайык кылмыш иши козголгон. Кылмышка шектүү катары 1955-жылы жана 1974-жылы туулган жарандар аныкталып, кармалды.