Бишкек шаарындагы Эркин экономикалык аймактын аймагында жүргүзүлгөн “Нелегал” операциясынын жүрүшүндө 12 чет өлкөлүк жаран мыйзамсыз иштеп жүргөнү аныкталды. Бул тууралуу УКМКнын маалымат кызматынан билдиришти.
Текшерүү маалында белгилүү болгондой, чет элдик жарандар Кыргызстандын аймагында туристтик виза менен жүрүшүп, мыйзамсыз эмгек ишмердигин жүргүзүп келишкен.
Ички иштер органдары менен биргеликте аларга КРнын Укук бузуулар жөнүндө кодексинин 431-беренесинин 1-бөлүгүнө ылайык 66 миң сом айып пул салынды.
Ошондой эле чет өлкөлүк жумушчу күчүн мыйзамсыз тарткан юридикалык жакка 93-берене боюнча 65 миң сом өлчөмүндө айып пул каралды.
УКМК иш берүүчүлөргө Кыргыз Республикасында чет өлкөлүк жумушчу күчүн тартуу жана пайдалануу эрежелерин бузгандыгы үчүн жоопкерчилик каралганын эскертет.
