Бишкекте Чүй проспектиси менен Шопоков көчөсүнүн кесилишиндеги “Ожак кебап” кафесинин кеңейтилген бөлүгү бузулууда. Жеринде вице-мэр Нурдан Орунтаев, жер пайдаланууну көзөмөлдөө башкармалыгынын башчысы Уран Мусаев жана Свердлов райондук ички иштер башкармалыгынын кызматкерлери жүрүшөт.
Бул жер ижарага берилгенин Нурдан Орунтаев билдирди. Комиссиянын 8-августтагы чечими менен келишим токтотулган. 22-августта Жерди пайдаланууну көзөмөлдөө башкармалыгы муниципалдык аймакты бошотуу боюнча билдирүү тараткан.
«Бул жер тилкеси тротуарларды кеңейтүү максатында бошотулуп жатат. Келечекте жөө жүргүнчүлөр үчүн жер астындагы же жер үстүндөгү өтмөк куруу пландалууда», — деди Орунтаев.