Бишкекте өгөй кызын уурдап, өлтүрүүгө шектүү кармалды

Бишкекте өгөй кызын өлтүрүүгө шектүү кармалды. Бул тууралуу Бишкек ШИИБден билдиришти.

30-октябрь күнү Биринчи Май РИИБге Бишкек шаарынын тургуну кайрылып, анын жолдошу БМВ Х5 үлгүсүндөгү унаасы менен 2007-жылы туулган кызын уурдап кеткенин билдирген.

Аталган факты Биринчи май РИИБге катталып, тийиштүү издөө иш чаралары жүргүзүлгөн.

Жүргүзүлгөн ыкчам-тергөө аракеттеринин натыйжасында, 1972-жылы туулган шектүү башка автоунаа менен Ысык-Көл облусунда жүргөнү аныкталып, өз өмүрүн кыюуга аракет кылып жаткан жеринен кармалган.

Ал эми шектүү тарабынан өлтүрүлгөн 2007-жылы туулган өгөй кызынын жансыз денеси Чүй облусунун аймагынан табылган.

Аталган факты боюнча Тергөө кызматы тарабынан Кылмыш-жаза кодексинин 122 (Адам өлтүрүү) жана 165 (Адамды уурдоо) беренелерине ылайык кылмыш иштери козголгон. Тергөө иштери улантылууда.

Related posts

Жолдорду автоунаа ээлеринин эсебинен оңдоо боюнча мыйзам долбоору ЖКда каралууда.

admin

Бишкекте өтчү «Евразия-Кинофест жаңырыгы» жаш режиссерлорду колдоого алат

admin

Кыргызстанда үшүк жүрүшү мүмкүн

admin

Комментарий