Бүгүн Чолпон-Атада КМШга мүчө өлкөлөрдүн Бажы комитетинин жетекчилер кеңеши кезектеги, тагыраагы, 80-отурумуна чогулду.
Иш-чараны ачкан Кыргызстандын Бажы кызматынын башчысы Алмаз Салиев бул мааракелик жыйын жөн гана адистердин кезектеги жолугушуусу эмес, көп жылдык кызматташтыктын туруктуулугун, натыйжасын чагылдырган маанилүү этап экенин белгиледи. Анын айтымында, ушул жылдар аралыгында бекем ишкерлик байланыштар түзүлүп, координациянын майнаптуу механизмдерин иштеп чыгып, бажы системалардын келечектеги өнүгүүсүнө негиз салынган.