Сузак районундагы Көк-Жаңгак шаарынын ички жолдорунун бирине асфальт төшөлүп, колдонууга берилди. Бул тууралуу президенттин Жалал-Абад облусундагы өкүлчүлүгүнөн маалымдашты.
Жолдун ачылуу аземине УКМКнын төрагасы Камчыбек Ташиев, Жогорку Кеңештин депутаты Жеңишбек Токторбаев, президенттин Жалал-Абад облусундагы өкүлү Абсаттар Сыргабаев, Көк-Жаңгак шаарынын мэри баштаган кызматкерлер жана шаар тургундары катышты.
Республикалык бюджеттен 2200 метр жолго 10 миллион сомго жакын акча каражаты каралып, учурда 950 метри бүткөрүлдү.
