Эртең, 3-октябрь күнү саат 10:00дөн 11:00гө чейин Бишкек, Ош шаарларында жана облус, райондордун борборлорунда сирена жаңырып, машыгуу өтөт.
«Андыктан жарандарды сиренанын үнүн укканда дүрбөлөнгө түшпөөгө чакырабыз. Бул машыгуу!», — деп билдирди Өзгөчө кырдаалдар министрлиги.
Сирена 5 мүнөткө чейин жаңырышы мүмкүн. Машыгуу 5-октябрь – Кыргыз Республикасында кырсыктардын тобокелдигин азайтуу күнүнө карата уюштурулуп жатат. Ага бардык мамлекеттик ведомстволор, билим берүү мекемелери катышары мерчемделген.