Түркияда жарыяланган ФЕТО террордук уюмунун лидери Фетхуллах Гүлен 1999-жылдан бери жашап жаткан АКШда каза болгон. 83 жаштагы Гүлендин өлүмү тууралуу маалыматты анын жээни Эбуссеме Гүлен тастыктаган. Анын 20-октябрда Пенсильвания штатындагы клиникалардын биринде каза болгону айтылган.
Түркиянын парламент отурумунда Улуттук кыймыл партиясынын төрагасы Девлет Бахчели Фетхуллах Гүлендин сөөгү Түркияда жерге берилбей турганын айткан. Маалымат каражаттары анын сөөгү Пенсильвания штатында жерге берилерин жазышты.
Түрк бийлигинин маалыматына ылайык, 2016-жылдын 15-июлундагы аскердик төңкөрүш аракетинин артында Гүлен жана анын тарапташтары турган. Гүлендин тарапташтары бул дооматты четке кагып келет. Дүйнөнүн айрым өлкөлөрүндөгү Гүлен мектептери жабылган. Алмазбек Атамбаев президент болуп турган кезде мектептерди жабуу өтүнүчүн ачык четке каккан.