Кыргызстандын аймактарында жакынкы күндөрү абанын температурасы кескин төмөндөйт. Синоптиктердин маалыматына ылайык, 23-октябрдан 25-октябрга чейин аба ырайы жылуу болот, бирок 28-октябрдан баштап айрым аймактарда температура -1 градуска чейин түшүшү мүмкүн.
23-октябрдан 25-октябрга чейинки болжолдуу абанын температурасы:
Чүй өрөөнүндө: түнкүсүн +3 … +8, күндүз +20 … +25 градус;
Талас жергесинде: түнкүсүн +3 … +5, күндүз +22 … +24 градус;
Баткен, Ош, Жалал-Абад облустарында: түнкүсүн +10 … +12, күндүз +23 … +25 градус;
Ысык-Көлдө: түнкүсүн +1 … +6, күндүз +12 … +17 градус;
Нарын аймагында: түнкүсүн 0 … +2, күндүз +14 … +16 градус;
Ал эми Бишкек шаарында температура түнкүсүн +6 … +8, күндүз +22 … +24 градуска жетет.