Министрлер Кабинетинин төрага орун басары – УКМКнын төрагасы Камчыбек Ташиев 30-ноябрда Бишкек шаарындагы К.Карасаев атындагы университетте жайгашкан №1046 шайлоо участогунда добуш берди.
Анын айтымында, бардык техникалык маселелер тез арада чечилди. Ал белгилегендей, учурда шайлоо эч кандай көйгөйсүз өтүп жатат.
«Эч кайсы жерде кооптуу кырдаал жок. Менин оюмча, биздин шайлоочулар жана талапкерлер үчүн бардык шарттар түзүлгөн. Жарандар каалаган адамын шайлап бере алышат», — деди Ташиев.
Ал өзү «туруктуулук, тынчтык жана келечек үчүн» добуш бергенин билдирди.
«Мен чоң үмүт менен ушул депутат алдыдагы беш жыл ичинде өлкөбүздүн бардык саясий күтүүлөрүн, бардык экономикалык жана саясий маселелерин чечет деген ишеним менен добуш бердим», — деди Ташиев.
Бул шилтемеден Камчыбек Ташиевдин берген маегин көрө аласыздар: