УКМК тарабынан жеке менчикке мыйзамсыз чыгарылган өнөр жай объекттерин жана жер тилкелерин аныктоо жана мамлекеттин балансына кайтаруу боюнча иштердин алкагында төмөнкү объекттер кайтарылды:
- Ысык-Көл облусунун Ак-Суу районунун Кереге-Таш айылындагы 899 кв.м. жер тилкеси, ал жерде мурда Ж.Алышбаев атындагы орто мектепти жылуулук менен камсыз кылуучу откана жайгашкан. Жүргүзүлгөн тергөө-ыкчам иш-чаралардын натыйжасында Кереге-Таш айылынын тургуну К.А.Д. Кыргыз Республикасынын мыйзамдарын бузуу фактыларын мойнуна алды жана кыймылсыз мүлктү Ак-Суу районунун ЖӨБО балансына ыктыярдуу өткөрүп берди.
- Ысык-Көл облусунун Ак-Суу районунун Советское айылындагы 15 га өлчөмүндөгү айыл чарба жер тилкеси, ал мурда КР ӨКМнин Гидрометеорология кызматынын алдындагы «Советское-Жыргалаң» гидрологиялык постунун балансында турган. Жүргүзүлгөн тергөө-ыкчам иш-чаралардын натыйжасында Совет айылынын тургуну Т.К.С. (1995-жылдан тартып аталган жер участогун жеке кызыкчылыгы үчүн мыйзамсыз пайдаланган) Кыргыз Республикасынын мыйзамдарын бузуу фактыларын тааныган жана кыймылсыз мүлктү Ак-Суу районунун ЖӨБО балансына ыктыярдуу өткөрүп берген.
УКМК мыйзамсыз менчиктештирилген жер тилкелерин, ишканаларды жана имараттарды аныктоо жана мамлекеттин балансына кайтаруу боюнча иштерди улантууда.
