Кыргыз Республикасынын таяк тартыш боюнча курама командасынын мүчөлөрү Элдос Айтбаев жана Эльза Абдыкадырова АКШнын Орландо шаарында өткөн эл аралык фестивалда алтын медаль тагынды.
70 килограммга чейинки салмакта Эльза Абдыкадырова жана 80 килограммга чейинки салмак ченинде Элдос Айтбаев алтын медалга ээ болушкан. Орландо штатында (АКШ) өткөн эл аралык фестивалы 2-5-ноябрь күндөрү болуп өттү. Мелдешке Кыргызстан, Орусия, Пакистан, АКШ, Канада, Венгрия, Япониядан барган спортчулар катышты.
