Кыргызстандын футбол боюнча олимпиадалык курама командасы Кытайда өтүп жаткан Азия оюндарында плей-оффко чыкты.
Турнирдин тайпалык баскычында Кыргызстандын курамасы Түндүк Корея, Индонезия жана Тайвандын футболчулары менен беттешти. Кыргыз футболчулары индонезиялыктарга 0:1, Түндүк Кореянын футболчуларына 0:2 эсебинде утулуп, бирок акыркы турда Тайванды 4:1 эсебинде утуп алышты.
Тайпалык этаптын жыйынтыгы боюнча Кыргыз курамасы тайпада 2-орунду ээлеп, 1/8 финалга чыкты. 27-сентябрда Түштүк Кореянын командасы менен беттешет.
Буга чейин Азия Кубогуна (U-23) тандоо турунда Кыргызстан менен Түштүк Кореянын командалары беттешкен. Ал беттеште кореялыктар 1:0 эсебинде жеңишке жетишкен.