«Элдин маселесин чечкиле, болбосо кызматтан кеткиле!». Камчыбек Ташиев жергиликтүү бийлик башчыларына эскертти.
«Жергиликтүү бийлик өкүлдөрү: айыл өкмөт, аким, губернаторлукта иштегендер — ар бириңер кызматыңарга жооп беришиңер кажет. Мурдагыдай жөн эле отура берем же жеке кызыкчылыгымды чечем деген максаттан алыс болушуңар керек. Берилгендик менен мамлекетке кызмат кылгыла. Убакыт тез өтүп жатат. Садыр Жапаровдун командасынын келгенине 3,5 жыл болду. Карапайым элдин маселесин чечүүгө өтүү керек.
Жергиликтүү бийликтин жакшы иштебей жатканынан элдин нааразычылыгы жаралууда. Орто жана ылдыйкы деңгээлдеги аткаминерлер иштебей жатасыңар. Иштебесеңер, ордуңарды бошоткула», — деди төрага.