Мамлекеттик кызматтарды бюрократиядан арылтуу боюнча комиссиянын жыйыны өттү. Бул тууралуу министрлер кабинетинен билдиришти.
Жыйында бир пакет менен 45 маселе боюнча 36 нормативдик документ каралды.
Анда жасалган сунуштар:
кодекстерге жылына бир жолу гана өзгөртүү киргизүү;
юридикалык жактарды жана жеке ишкерликти жоюуну жеңилдетүү;
айрым функцияларды аутсорсингге өткөрүү. Мисалы, онкологиялык ооруларды дарылоо, эмдөө жана сот аткаруучулардын ишин жеке колдорго дагы берүү;
«Түндүк» системасы аркылуу маалым кат алуу. 50 жашка чейинкилерге кагаз маалым каттарды берүүнү жана маморгандардагы документтерди талап кылууну акырындап токтотуу;
жарандык жана административдик сот процесстерин санариптештирүү.
Жыйындын жүрүшүндө министрлер кабинетинин төрагасы Адылбек Касымалиев лицензияларды жана уруксат документтерин берүүнү жеңилдетүү маселесин кароону тапшырды. Натыйжада бардык сунуштар толук кабыл алынды.