Мухамедали Умаров 4-12-ноябрь күндөрү Доха шаарында өткөн “Ауаль Аль-Ауаиль” (Биринчилердин биринчиси) аталышындагы дүйнөлүк Куран жарышта мыкты 10 карынын катарын толуктады. Бул тууралуу блогер Эртай Искаков жазды.
«Куран жарышка дүйнөнүн ар кыл өлкөлөрүнөн мыкты карылар чакырылган. Сынактын шарттарына ылайык, катышуучулар Курандын сүрөөлөрүн жатка окуп берүү менен бирге Куран аяттарынын маанилерин (тафсирин) чечмелеп берүү боюнча ат салышкан. Жеңишти багындыргандардын бардыгы араб тилдүү өлкөлөрдөн болду. Эки гана катышуучу араб тилдүү эмес өлкөдөн болгон, алардын бири — Мухаммадали Умаров.
2022-жылы сентябрда Мухаммадали Умаров Сауд Арабиясында өткөн Куран эл аралык сынагында №1 жеңүүчүсү болгон», — деп жазды ал.
Муфтияттан бул иш чара 3 жылда бир өтөрүн билдиришти. «Быйыл 70 кары катышкан. Анын 30у 1-турда, дагы 30у 2-турда жыгылган экен. Ал эми 10 кары 3-турга жеткен. Ошол 3-турга жеткендердин арасында Мухаммадали Умаров болгон», — дешти муфтияттан.
